පරාටේ නීතිය ගැන ගත්ත නවතම තීන්දුව

පරාටේ නීතිය දෙසැම්බර් 15 දක්වා අත්හිටුවීම් සඳහා පනත් කෙටුම්පතට කොන්දේසිවලට යටත්ව මුදල් කාරක සභාවේ අනුමැතිය හිමිව තිබෙනවා.

මුදල් කාරක සභාව නිවේදනයක් නිකුත් කරමින් සඳහන් කළේ පරාටේ නීතියට යටත්ව බැංකු සමඟ ගනුදෙනු කළ සියළු පාර්ශවයන්ට බැංකු සමඟ සාකච්ඡා කිරීමට සාධාරණ අවස්ථාවක් ලබාදෙන ලෙස නිර්දේශ කර ඇති බවයි.

ණය ගැනුම්කරුවන් විසින් නොගෙවා පැහැර හරින ලද ණය අය කරගැනීම සඳහා එම ණය වෙනුවෙන් බැංකු වෙත උකස් කරනු ලැබ ඇති යම් දේපළක් ප්‍රසිද්ධ වෙන්දේසියේ විකිණීමට බැංකු විසින් ගනු ලබන ක්‍රියාමාර්ග සඳහා විධිවිධාන සැලසීම පිණිස 1990 අංක 4 දරන බැංකු මගින් ප්‍රදානය කරන ලද ණය අය කරගැනීමේ (විශේෂ විධිවිධාන) පනත (පරාටේ නීතිය) දෙසැම්බර් 15 දින දක්වා තාවකාලිකව අත්හිටුවීම සඳහා වන බැංකු මගින් ප්‍රධානය කරන ලද ණය අය කරගැනීමේ (විශේෂ විධිවිධාන) (සංශෝධන) පනත් කෙටුම්පතට කොන්දේසිවලට යටත්ව මුදල් කාරක සභාවේ අනුමතිය හිමිවූ බවයි අදාළ නිවේදනයේ වැඩිදුරටත් සඳහන් වන්නේ.