හිටපු ජනාධිපති මෛත්රිපාල සිරිසේන මහතා පාස්කු ඉරු දින ප්රහාරයට මෙරට පුරවැසියෙක් ගැන හෝ මෙරට පුරවැසියෙකුගේ සම්බන්ධතාවක් ගැන කිසිඳු තොරතුරුක් හෙළි කර නොමැති බව මහජන ආරක්ෂක අමාත්ය ටිරාන් අලස් මහතා පවසනවා.
අමාත්යවරයා මේ බව සඳහන් කළේ පාස්කු ඉරුදින ප්රහාරය පිළිබඳව පැවැති විවාදයේ පිළිතුරු කතාව සිදු කරමින්.
එහිදී අමාත්යවරයා වැඩිදුරටත් ප්රකාශ කර සිටියේ, ” පාස්කු සිද්ධිය ගැන දින එකොළහක් විවාද පැවැත්තුවා. මේ ප්රශ්නයට සියලු දෙනාට උත්තරයක් අවශ්ය නම් මේක දේශපාලනයට හරවගන්න එපා. අපි සියලු දෙනා එකතු වෙලා මේක බලන්න ඕන… පොලිසියත් ඒ අයගේ නීතිඥවරුන් එකතුවෙලා මේක බලන්න කියල මම කියනවා.
පොලිසියේ අතපසුවීම් සිද්ධ වෙලා තියෙනවා. මේ සියලු දේ බලලා ඔක්කොම එකතුවෙලා මේක අවසන් කරමු. නැත්නම් මේ විවාද දිගටම තියේවි… හිටපු ජනාධිපතිවරයාගේ ප්රකාශය සම්බන්ධයෙන් යමක් කියන්න තියෙනවා.
ඔහු මේ රටේ පුරවැසියකු ගැන හෝ මේ රටේ පුරවැසියෙකුගේ සම්බන්ධතාවක් පිළිබඳව කිසිවක් කියල නෑ. දැන් ඒ සම්බන්ධයෙන් මාලිගාකන්ද අධිකරණයේ නඩු කටයුත්තක් පවතිනවා. ඒ නිසා මම ඒ ගැන වැඩි දුරටත් කතා කරන්න යන්නේ නැහැ.
බුද්ධි අංශයේ සුරේෂ් සලේ සහරාන් හසීම් සමග සබඳතා පවත්වා ඇතැයි කිසිදු වාර්තාවකින් තොරතුරු හෙළිදරව්වීමක් සිදුවී නැහැ… මේ පරීක්ෂණ අවසන් කරන්න අපිටත් අවශ්යයි. ඒ නිසා සියලු දෙනා මේකට උදව් කරන්න කියලා අපි ඉල්ලනවා.”
Leave a Reply