රාජකාරී වේලාවන් තුළ සමාජ මාධ්ය භාවිත කිරීම සහ දුම්රිය මෙහෙයුම් කටයුතුවල සංවේදී තොරතුරු සමාජගත වීම වැළැක්වීම සඳහා දුම්රිය දෙපාර්තමේන්තුව විසින් විශේෂ චක්රලේඛයක් නිකුත් කර තිබෙනවා.
දුම්රිය දෙපාර්තමේන්තුවේ ඇතැම් නිලධාරීන් සහ සේවකයින් විසින් රාජකාරී වේලාවන් තුළදී සහ ඊට සම්බන්ධ අවස්ථාවන්හිදී සමාජ මාධ්ය හරහා සංවේදී තොරතුරු ප්රසිද්ධියට පත්කිරීමේ ප්රවණතාවයක් නිරීක්ෂණය වීම හේතුවෙන් මෙම පියවර ගත් බව ශ්රී ලංකා දුම්රිය දෙපාර්තමේන්තුව පවසනවා.
එලෙස සංවේදී තොරතුරු සමාජ මාධ්ය මගින් ප්රසිද්ධ කිරීම හේතුවෙන් දුම්රිය සේවයේ විශ්වසනීයත්වය, මගී ආරක්ෂාව සහ ආයතනික විනය බරපතළ ලෙස අනතුරේ වැටෙන බව අදාළ චක්රලේඛයේ පෙන්වා දී ඇත.
මෙම නව චක්රලේඛයට අනුව දුම්රිය දෙපාර්තමේන්තුවේ නිල තොරතුරු බාහිර පාර්ශ්වයන් වෙත හෝ මාධ්ය වෙත ලබාදීමේ බලය හිමිවන්නේ දුම්රිය සාමාන්යාධිකාරීවරයා, දුම්රිය නිල මාධ්ය ප්රකාශකවරයා සහ තොරතුරු නිලධාරියාට පමණි.
මෙම උපදෙස් උල්ලංඝනය කරමින් කටයුතු කරන නිලධාරීන්ට එරෙහිව දැඩි තරාතිරම නොබලා නීතිමය ක්රියාමාර්ග ගන්නා බව දුම්රිය සාමාන්යාධිකාරීවරයාගේ අත්සනින් යුතුව නිකුත් කළ අදාළ චක්රලේඛයේ වැඩිදුරටත් සඳහන් වනවා.
Leave a Reply