මාලදිවයින් ජනාධිපතිවරයා පිළිගැනීමේ නිල උත්සවය අද

තෙදින නිල සංචාරයක් සඳහා දිවයිනට පැමිණි මාලදිවයින් ජනාධිපති ආචාර්ය මොහොමඩ් මයිසූ මහතා පිළිගැනීමේ නිල රාජ්‍ය උත්සවය අද (04) පැවැත්වීමට නියමිතව තිබෙනවා.

එම පිළිගැනීමේ උත්සවය ජනාධිපති ලේකම් කාර්යාලයේ දී පැවැත්වීමට නියමිතයි.

නිල පිළිගැනීමේ උත්සවයෙන් පසුව දෙරටේ නායකයින් ඒකාබද්ධව මාධ්‍ය නිවේදනයක් නිකුත් කිරීමට නියමිතව තිබෙනවා.

දිගු කාලීන මිත්‍රත්වය සහ සහයෝගීතාව තවදුරටත් ශක්තිමත් කිරීම සම්බන්ධව මාලදිවයින් ජනාධිපතිවරයා සහ ජනාධිපති අනුර කුමාර දිසානායක මහතා සමඟ ද්වී පාර්ශ්වික පැවැත්වීමට ද අපේක්ෂිතයි.

ඊට අමතරව විවිධ ක්ෂේත්‍රවල සහයෝගීතාව පුළුල් කිරීම සඳහා දෙරටේ පොදු කැපවීම පිළිඹිබු කරමින් ඒ මහතාගේ මෙම සංචාරය අවබෝධතා ගිවිසුම් කිහිපයක් ද අත්සන් කෙරෙනු ඇති බවද විදේශ කටයුතු, විදේශ රැකියා සහ සංචාරක අමාත්‍යාංශය සඳහන් කළා.

2023 වසරේ දී ජනාධිපති ධූරයට පත්වීමෙන් පසුව ඒ මහතා ශ්‍රී ලංකාවේ සිදු කරන පළමු සංචාරය මෙය වනවා.

ජනාධිපති අනුර කුමාර දිසානායක මහතාගේ ආරාධනයක් මත දිවයිනට පැමිණෙන මාලදිවයින් ජනාධිපතිවරයා ලබන 6 වනදා දක්වා මෙරට රැඳී සිටීමට නියමිතව තිබෙනවා.