වෙසක් පෝයට මැයි රැලි එපා – ආගමික නායකයින් දේශපාලන පක්ෂවලින් ඉල්ලයි

වෙසක් පෝය යෙදෙන ලබන මැයි මස 1 වනදා සාම්ප්‍රදායික දේශපාලන රැස්වීම් සහ පෙළපාලි පැවැත්වීමෙන් වැළකී කටයුතු කරන ලෙස බෞද්ධ නායක ස්වාමීන් වහන්සේලා සියලුම දේශපාලන පක්ෂවලින් ඉල්ලා තිබෙනවා.

උන් වහන්සේලා පෙන්වා දෙන්නේ වෙසක් පෝය දින දේශපාලන රැස්වීම් සහ රැලි පැවැත්වීම වෙනුවට ප්‍රධාන ආගමික ස්ථාන ආශ්‍රිතව එදින ආගමික කටයුතුවල නිරත වන ලෙසයි.

මේ අනුව ආගමික නායකයන්ගේ ඉල්ලීම මත මැයි 1 වනදා කම්කරු රැළියක් නොපැවැත්වීමට ශ්‍රී ලංකා පොදුජන පෙරමුණ දැනටමත් තීරණය කර තිබෙනවා.

ඊට අමතරව සමඟි ජන බලවේගය තවම ඒ සම්බන්ධයෙන් ස්ථිර තීරණයක් ගෙන නොමැති අතර අවසන් තීරණයක් ගැනීම සඳහා පක්ෂයේ විශේෂ රැස්වීමක් ලබන 17 වනදා පැවැත්වීමට නියමිතයි.