අල්ලස් සිදුවීමක් පිළිබඳව අත්අඩංගුවට ගෙන රක්ෂිත බන්ධනාගාර ගත කළ සමඟි ජන බලවේග හොරණ ආසන සංවිධායක චරිත් අබේසිංහ මහතාගේ පක්ෂ සාමාජිකත්වය අත්හිටුවීමට සමඟි ජන බලවේගය පියවර ගෙන තිබෙනවා.
ඊට අමතරව ඔහු මෙතෙක් දැරූ සියලු තනතුරු වහාම ක්රියාත්මක වන පරිදි අත්හිටුවීමට ද පක්ෂය තීරණය කර ඇති බවද වාර්තා වනවා.
සමඟි ජන බලවේග මහලේකම් රංජිත් මද්දුම බණ්ඩාර මහතාගේ අත්සනින් නිකුත් කරමින් සඳහන් කරන්නේ 2023 වසර වන විට ඔහු පක්ෂයේ සාමාජිකයෙකු ලෙස හෝ සංවිධායකවරයෙකු ලෙස හෝ කටයුතු කර නොමැති බවයි.
චරිත් අබේසිංහ මහතා එවක සමඟි ජන බලවේගයේ කිසිඳු තනතුරක් ද නොදැරූ අයෙක් බවද එම පක්ෂයේ මහ ලේකම්වරයා නිකුත් කළ නිවේදනයේ පෙන්වා දෙනවා.
වැඩිදුරටත් එම නිවේදනයෙන් සඳහන් කරන්නේ සමගි ජනබලවේගය කිසිදු විටෙක දූෂණයන්ට හෝ නීති විරෝධී කටයුතුවලට සම්බන්ධ පුද්ගලයින්ට අදාළව නීතිය ක්රියාත්මක කිරීමට සහ අධීකරණමය ක්රියාමාර්ග ගැනීමට විරුද්ධ නොවන බව අවධාරණය කරන බවයි.
Leave a Reply