IPL තරඟාවලිය අදින් ඇරඹේ

ක්‍රිකට් ලොව වඩාත් ආකර්ශනීය සහ ධනවත්ම ක්‍රිකට් ලීගය වන ඉන්දීය ප්‍රිමියර් ලීග් තරඟාවලිය අද (28) සිට ආරම්භ වනවා.

තරඟාවලියේ සමාරම්භක තරඟය ලෙස සන්රයිසස් හයිද්‍රාබාද් කණ්ඩායම සහ රෝයල් චැලේන්ජර්ස් බැංගලෝර් කණ්ඩායම පැවැත්වීමට නියමිතයි.

තරඟය මෙරට වේලාවෙන් රාත්‍රී 7.30ට ආරම්භ වනවා.

2026 IPL තරඟාවලිය සමාරම්භක උත්සවයකින් තොරව ආරම්භ කිරීමටයි සැලසුම් කර ඇත්තේ.

මෙවර තරඟාවලිය වෙනුවෙන් ශ්‍රී ලංකාවේ පැතුම් නිස්සංක, කමිදු මෙන්ඩිස්, එෂාන් මාලිංග සහ දසුන් ශානක මේ වනවිට එක්ව තිබෙනවා.

වේග පන්දු යවන ක්‍රීඩක නුවන් තුෂාරගේ 2026 IPL තරඟාවලියට සහභාගී වීමට මෙතෙක් අවිනිශ්චිතව ඇත්තේ ශාරීරික යෝග්‍යතා සම්පුර්ණ කර ගැනීමට නොහැකි වීම හේතුවෙනි.

කෙසේ වෙතත් මතීෂ පතිරණට සහ වනිඳු හසරංගහට IPL තරඟාවලියට එක්වීමට මේ වන තුරු අවසරය හිමිව නැහැ.

ඉන්දියාවේ ප්‍රාන්ත මැතිවරණය හේතුවෙන් මෙවර IPL තරඟාවලිය අදියර දෙකින් පැවැත්වෙනවා.

එහි මුලික අදියර යටතේ තරඟ 70ක් පැවැත්වීමට නියමිතයි.