සෞදියේ හෙලිකොප්ටර් අනතුරකින් පුද්ගලයින් 14ක් මරුට

සෞදි අරාබියේ හෙලිකොප්ටර් යානයක් කඩා වැටීමෙන් පුද්ගලයින් 14 දෙනෙකු මියගොස් තිබෙනවා.

එරට රාජ්‍ය පුවත් ඒජන්සිය වාර්තා කරන්නේ සෞදි අරාබියේ ප්‍රධාන තෙල් සමාගමක් වන ඇරම්කෝ සමාගමට හෙලිකොප්ටර් යානයක් අද (28) උදෑසන රස් තනුරා ප්‍රදේශයේ දී කඩා වැටීමෙන් මෙම අනතුර සිදුව ඇති බවයි.

මෙලෙස මියගිය පුද්ගලයින් 14 දෙනාම සෞදි ජාතිකයින් බව සඳහන් වනවා.

අද (28) උදෑසන 6ට පමණ මෙම අනතුර සිදුව තිබෙනවා.