පෙහෙල්ගම් ත්රස්ත ප්රහාරයෙන් පසු පාකිස්ථානය පිළිබඳව දැඩි තීරණ ක්රියාත්මක කරමින් සිටින ඉන්දියාව පාකිස්තාන ක්රිකට් ක්රීඩකයින් රැසකගේ ඉන්ස්ටග්රෑම් ගිණුම් ද ඉන්දියාව තුළ අවහිර කර තිබෙනවා.
මෙලෙස අවහිර කරනු ලැබූ පාකිස්තාන ක්රිකට් ලැයිස්තුවට ඊයේ (02) දිනයේ දී බාබර් අසාම්, මොහොමඩ් රිස්වාන් සහ වසීම් අක්රම්ගේ ගිණුම ද ඇතුළත් කර ඇති බව වාර්තා වනවා.
මේ අනුව දැනට ටෙස්ට් නායක ෂාන් මසූඩ්, වේග පන්දු යවන්නන් වන හසන් අලි සහ නසීම් ෂා, පිතිකරු ඉමාම්-උල්-හක්, තුන්ඉරියව් ක්රීඩක ෂදාබ් ඛාන්ගේ ගිණුම් මෙලෙස අවහිර කර තිබෙනවා.
ඊට අමතරව හිටපු පාකිස්තානු තරු වන ෂොයිබ් අක්තාර් සහ ෂාහිඩ් අෆ්රිඩිගේ ගිණුම් ද මේ අතරට අයත් වනවා.
පාකිස්තානයේ හිටපු අගමැති මෙන්ම හිටපු නායක ඉම්රාන් ඛාන්ගේ ගිණුමට ද ඉන්දියාව තුළ ප්රවේශ වීමේ හැකියාවද අවහිර කර තිබෙනවා.
ඉන්දියාවේ සිට ඔවුන්ගේ ඉන්ස්ටග්රෑම් ගිණුමට පිවිසීමට උත්සාහ කරන පරිශීලකයින්ට ඉන්දියාව තුළ ගිණුමක් නොමැත යනුවෙන් දැක්වෙන බව වාර්තා වනවා.
පාකිස්තානයේ තවත් ක්රීඩකයන් රැසකගේ ඉන්ස්ටග්රෑම් ගිණුම් ඉන්දියාවේ දී අවහිර කරයි
Leave a Reply