ජුලි මස සිට විදුලිබිල පහතට

ජුලි මස 1 වනදා සිට විදුලිබිල අඩු කිරීමට යෝජනා කර ඇති බව විදුලිබල හා බලශක්ති අමාත්‍ය කංචන විජේසේකර මහතා පවසනවා.

අද (06) පාර්ලිමේන්තුවේ සභාවාරයට එක්වෙමින් අමාත්‍යවරයා මේ බව සඳහන් කළා.

ඒ මහතා කියා සිටියේ මේ අනුව ගෘහස්ත කාණ්ඩයේ පාරිභෝගිකයන්ට වැඩි සහනයක් ලබාදීමට නියමිත බවත් එම යෝජනාවට මහජන උපයෝගීතා කොමිසමේ අනුමැතිය හිමිවනු ඇති බවත්ය.

මේ අනුව ඒකක 0 – 30 අතර ඒකකයක මිල රුපියල් 8 සිට 6 දක්වා ( රුපියල් 02කින්)
30 – 60 අතර රුපියල් 20 සිට 9 දක්වා ( රුපියල් 11කින්)
ඒකක 60 – 90 රුපියල් 30 සිට 18 දක්වා (රුපියල් 12කින්)
ඒකක 90- 180 රුපියල් 50 සිට 30 දක්වා (රුපියල් 20කින්)

ආගමික ස්ථාන සහ කුඩා කර්මාන්ත සඳහා ද මෙම සහනය ලබාදීමට නියමිත බවද අමාත්‍යවරයා ප්‍රකාශ කළා.

වැඩිදුරටත් අදහස් දක්වමින් ඔහු සඳහන් කළේ අදාළ යෝජනාව හෙට (07) හෝ සඳුදා දිනයේ දී මහජන උපයෝගීතා කොමිසම වෙත භාර දීමට නියමිත බවයි.