මැදපෙරදිග අර්බුදය හමුවේ බොරතෙල් මිල ඉහළට

ලෝක වෙළෙඳපොළේ බොරතෙල් මිල අමෙරිකානු ඩොලර් 120 සීමාවට ලංව තිබෙනවා.

මේ අනුව බ්‍රෙන්ට් වර්ගයේ බොරතෙල් බැරලයක මිල ඩොලර් 117.65ක් දක්වා ඉහළ ගොස් ඇති බව සඳහන්.

තවද අමෙරිකානු WTI බොරතෙල් මිල ද 28.3%කින් පමණ ඉහළ ගොස් තිබෙනවා.

එහි බැරලයක් ඩොලර් 116.62ක් ලෙස සටහන්ව ඇති බව වාර්තා වනවා.

හෝමූස් සමුද්‍ර සන්ධිය හරහා සිදුවන නාවික ගමනාගමනයට එල්ල වී ඇති බාධා තවදුරටත් පැවතීම සහ සැපයුම සීමාවීම හේතුවෙන් මෙලෙස බොරතෙල් මිල ඉහළ ගොස් ඇති බවද විදෙස් මාධ්‍ය වාර්තා පෙන්වා දෙනවා.