2027 මුල්ය වර්ෂය සඳහා වන අයවැය ඇස්තමේන්තු සකස් කිරීමේ කටයුතු මේ වන විට ආරම්භ කර තිබෙනවා.
02/2026 දරන ජාතික අයවැය චක්රලේඛයට අනුකූලව මෙම කටයුතු සිදු කරනු ඇති.
මුදල් අමාත්යාංශය ප්රකාශ කරන්නේ අනිවාර්ය වියදම් සීමාවන් සියලුම අමාත්යාංශ සහ රාජ්ය ආයතන විසින් දැඩි ලෙස අනුගමනය කළ යුතු බවයි.
ඊට අමතරව නව ව්යාපෘති සඳහා ද දැඩි කොන්දේසි පනවා තිබෙනවා.
මේ අනුව නව සංවර්ධන ව්යාපෘති සඳහා වන යෝජනා මුලික අයවැය ඇස්තමේන්තු තුළම ඉදිරිපත් කළ යුතු වනවා.
එම අමාත්යාංශය පවසන්නේ අයවැය ඇස්තමේන්තු සහ ඒවාට අදාළ දත්ත ඉදිරිපත් කිරීම සඳහා ඒකාබද්ධ භාණ්ඩාගාර කළමනාකරණ තොරතුරු පද්ධතිය (ITMIS) භාවිතය අනිවාර්ය කර ඇති බවයි.
එමෙන්ම, සියලු රාජ්ය ආයතන විසින් අදාළ අයවැය ඇස්තමේන්තු මෙම මස 31 වැනිදාට පෙර ජාතික අයවැය දෙපාර්තමේන්තුව වෙත ඉදිරිපත් කළ යුතු බව ද මුදල් අමාත්යාංශය වැඩිදුරටත් නිවේදනය කළා.
Leave a Reply