ඩයමන්ඩ් ලීග් තවත් අදියරක ජයත් රුමේෂ්ට

කටාර්හි දෝහා නුවර පැවති ඩයමන්ඩ් ලීග් මලල ක්‍රීඩා තරගාවලියේ හෙල්ල විසිකිරීමේ ඉසව්වෙන් ශ්‍රී ලංකාවේ රුමේෂ් තරංග විශිෂ්ට ජයක් වාර්තා කර තිබෙනවා.

මෙරට වේලාවෙන් අද (20) අලුයම අවසන් වූ මෙම තරගයේදී රුමේෂ් මීටර් 88.68ක දුරක් හෙල්ල විසි කරමින් ලොව ප්‍රමුඛ පෙළේ ක්‍රීඩකයන් අභිබවා පළමු ස්ථානය හිමිකර ගත්තා.

මෙම ජයග්‍රහණයත් සමඟ ඩයමන්ඩ් ලීග් තරගාවලියක අදියරක් දෙවන වරටත් ජය ගැනීමට ඔහු සමත් වූ අතර, එය ශ්‍රී ලංකා මලල ක්‍රීඩා ඉතිහාසයේ තවත් සුවිශේෂී සන්ධිස්ථානයක් ලෙස සැලකෙනවා.

තරගයේ අවධානය දිනාගත් කරුණක් වූයේ ඔලිම්පික් රන් පදක්කම්ලාභී, හිටපු ලෝක ශූර සහ ඉන්දීය මලල ක්‍රීඩා තරුවක් වන Neeraj Chopra නැවතත් රුමේෂ් හමුවේ පරාජයට පත්වීමයි.

මෙවර තරගයේදී සිය සුපුරුදු දක්ෂතා අතරට පැමිණීමට නොහැකි වූ චොප්රා මීටර් 85.69ක දුරක් සටහන් කරමින් සිව්වැනි ස්ථානයට පත්විය. රුමේෂ්ගේ මෙම දස්කම ජාත්‍යන්තර මලල ක්‍රීඩා ක්ෂේත්‍රයේ ශ්‍රී ලංකාවට තවත් ගෞරවයක් එක් කළ ජයග්‍රහණයක් ලෙස සැලකෙයි.