මධ්යම අධිවේගී මාර්ගයේ තුන්වන කොටසේ දෙවන අදියර යටතේ රඹුක්කන සිට ගලගෙදර දක්වා කොටසේ ඉදිකිරීම් කටයුතු අද (29) ජනාධිපති අනුර කුමාර දිසානායක මහතාගේ ප්රධානත්වයෙන් ආරම්භ කිරීමට නියමිතව තිබෙනවා.
මාර්ග සංවර්ධන අධිකාරියේ අධ්යක්ෂ ජනරාල් අනුරාධ හෙට්ටිආරච්චි මහතා පැවසුවේ කිලෝමීටර් 18.7ක දුර ප්රමාණයක් මෙම අදියර යටතේ සංවර්ධන කිරීමට සැලසුම් කර ඇති බවයි.
ව්යාපෘතියේ පළමු අදියර යටතේ පොතුහැර සිට රඹුක්කන දක්වා කොටසේ ඉදිකිරීම් මේ වන විට සිදු කෙරෙමින් පවතිනවා.
එම කටයුතු ලබන වසරේ මැද භාගය වන විට අවසන් කිරීමට අපේක්ෂා කෙරෙනවා.
පළමු අදියර සඳහා රුපියල් බිලියන 78ක මුදලක් වැයවන අතර දෙවන අදියරේ රඹුක්කන සිට ගලගෙදර දක්වා කොටස සංවර්ධනය කිරීම සඳහා රුපියල් බිලියන 112.4ක මුදලක් වැය කිරීමට නියමිතයි.
මෙම ව්යාපෘතිය සඳහා අවශ්ය සියලුම අරමුදල් දේශීය අරමුදල් මඟින් සපයා ඇති අතර ඉදිකිරීම් කටයුතු දේශීය කොන්ත්රාත් සමාගම් විසින් සිදු කරනු ලබනවා.
Leave a Reply