වතු සේවකයන්ගේ 1700 වැටුප දෙන්න සමාගම් 7ක් එකඟ වෙලා

වතු සේවකයන් සඳහා රුපියල් 1700ක දෛනික වැටුප ගෙවීමට වතු සමාගම් 7ක් එකඟ වී ඇති බව ජනාධිපති රනිල් වික්‍රමසිංහ මහතා පවසනවා.

ජනාධිපතිවරයා මේ බව කියා සිටියේ අද (10) මහනුවර දිස්ත්‍රික් වතු කම්කරු සංගම් සහ තරුණ නායක රැස්වීම අමතමින්.

කම්කරු අමාත්‍යවරයා ලෙස ජනාධිපතිවරයා විසින් ලබන සඳුදා පඩි පාලක සභාව කැඳවා මේ සම්බන්ධයෙන් සාකච්ඡා කිරීමට බලාපොරොත්තු වන බවද ජනාධිපති මාධ්‍ය අංශය පවසනවා.

එම මාධ්‍ය අංශය වැඩිදුරටත් පෙන්වා දෙන්නේ එම තීරණය ක්‍රියාත්මක කිරීම සඳහා අවශ්‍ය නම් විශේෂ නීති හඳුන්වා දෙනු ඇති බවයි.