දුම්රිය මාර්ගයේ ගිය බස් රථයේ රියදුරු පොලිස් අත්අඩංගුවට

දුම්රිය මාර්ගයේ බස් රථයක් ධාවනය කළ සිද්ධියට අදාළව එම බස් රථයේ රියදුරු පොලීසිය විසින් අත්අඩංගුවට ගෙන තිබෙනවා.

පොලිස් මාධ්‍ය ප්‍රකාශක නියෝජ්‍ය පොලිස්පති නීතිඥ නිහාල් තල්දුව මහතා කියා සිටියේ සැකකරු බස් රියදුරු ඇඹිලිපිටියේ ප්‍රදේශයේ දී අත්අඩංගුවට ගෙන ඇති බවයි.

ඇඹිලිපිටිය කොළඹ පෞද්ගලික බස් රථයක රියදුරෙක් මෙලෙස අත්අඩංගුවට ගෙන තිබෙනවා.

අත්අඩංගුවට ගත් රියදුරු සිය බස් රථය අද (02) පුවක්පිටිය ප්‍රදේශයේ දී කැළණිවැලි දුම්රිය මාර්ගයේ ධාවනය කරන අයුරු දැක්වෙන වීඩියෝ කිහිපයක් සමාජ මාධ්‍ය ඔස්සේ හුවමාරු වුණා.

සැකකාර බස් රියදුරු සමඟ එම බස් රථය ය පොලිස් භාරයට ගෙන තිබෙනවා.