ගම්බිම් බලා ගිය ජනතාවට විශේෂ දැනුම් දීමක්

මඟී ජනතාවගේ අවශ්‍යතාවය අනුව අද (16) දිනයේ දී බස් රථ ධාවනයට එක් කිරීමට කටයුතු කරන බව ජාතික ගමනාගමන කොමිෂන් සභාව පවසනවා.

එහි ධාවන හා සේවා අධීක්ෂණ අධ්‍යක්ෂ ශෙරීන් අතුකෝරල මහත්මිය සඳහන් කළේ සාමාන්‍ය කාල සටහන යටතේ අද බස් රථ ධාවනය කිරීමට සැලසුම් කර ඇති බවයි.

හෙට (17) සිට ගම්බිම් බලා ගිය මඟී ජනතාව වෙනුවෙන් විශේෂ බස් රටත් සේවාවක් ක්‍රියාත්මක කිරීමට නියමිත බවද ඇය පැවසුවා.

මේ අතර කාර්යාල දුම්රිය ධාවනය සාමාන්‍ය පරිදි සිදුකිරීමට සැලසුම් කර ඇති බව දුම්රිය දෙපාර්තමේන්තුව පවසනවා.

දුම්රිය සාමාන්‍යාධිකාරි ධම්මික ජයසුන්දර මහතා සඳහන් කළේ ගම්බිම් බලාගිය ජනතාවගේ අවශ්‍යතාව මත හෙට (17) සිට විශේෂ දුම්රිය කිහිපයක් ධාවනයට එක්කරන බවයි.