ශ්රේෂ්ඨාධිකරණයේ ජ්යෙෂ්ඨතම විනිසුරු ප්රීති පද්මන් සූරසේන මහතා අද (27) පෙරවරුවේ ජනාධිපති කාර්යාලයේ දී ශ්රී අගවිනිසුරුවරයා ලෙස ජනාධිපති අනුර කුමාර දිසානායක මහතා ඉදිරියේ දිවුරුම් දී තිබෙනවා.
මේ අනුව ඔහු මෙරට 49 වන අගවිනිසුරුවරයා වනවා.
අගවිනිසුරු මුර්දු නිරූපා බිඳුෂිණි ප්රනාන්දු මහත්මිය විශ්රාම යාමෙන් අනතුරුව පුරප්පාඩු වූ ධුරය සඳහා ප්රීති පද්මන් සූරසේන මහතාගේ නම ව්යවස්ථා සභාව විසින් පසුගියදා අනුමත කරනු ලැබුවා.
1989 වසරේ නීතිඥවරයකු වශයෙන් දිවුරුම් දුන් ප්රීති පද්මන් සූරසේන මහතා, ඉන් පසුව නීතිපති දෙපාර්තමේන්තුවට එක්ව රජයේ නීතිඥවරයකු ලෙස සේවය කළ අතර 2007 වසරේදී මහාධිකරණ විනිසුරුවරයකු ලෙස පත් වුණා.
2016 වසරේ දී අභියාචනාධිකරණ විනිසුරු ධුරයට පත්වූ ඔහු 2018 වසරේ අභියාචනාධිකරණයේ සභාපති විනිසුරුවරයා වශයෙන් පත් වුණා.
ඉන් පසුව 2019 වසරේ ශ්රේෂ්ඨාධිකරණ විනිසුරුවරයෙකු වශයෙන් පත් වීමට සමත් වුණා.
එතැන් පටන් මේ දක්වා ශ්රේෂ්ඨාධිකරණ විනිසුරුවරයෙකු වශයෙන් කටයුතු කරන ප්රීති පද්මන් සුරසේන මහතා හිටපු අගවිනිසුරු මුර්දු නිරූපා බිඳුෂිණි ප්රනාන්දු මහත්මියගෙන් පසුව සිටින ජ්යෙෂ්ඨතම ශ්රේෂ්ඨාධිකරණ විනිසුරුවරයා වනවා.
ප්රීති පද්මන් සූරසේන නව අගවිනිසුරු ලෙස දිවුරුම් දෙයි
Leave a Reply