යේමනයේ හූති කැරලිකරුවන් විසින් සෞදි අරාබියේ ප්‍රධාන නගර කිහිපයක් ඉලක්ක කර දැවැන්ත මිසයිල ප්‍රහාර මාලාවක් එල්ල කර තිබෙනවා.
විදෙස් මාධ්‍ය වාර්තා කළේ, සෞදි ආරක්ෂක අංශ විසින් එම ප්‍රහාර සඳහා යොදාගත් මිසයිල අතුරින් බහුතරයක් අහසේදීම සාර්ථකව විනාශ කිරීමට පියවර ගෙන ඇති බවයි. කෙසේ වෙතත්, ගුවනේදී විනාශ වූ මිසයිලවල විසිරී ගිය කොටස් බිමට පතිත වීම හේතුවෙන් සෞදි අගනුවර වන රියාද් නගරයේ සිව්දෙනෙකුට පමණ තුවාල සිදුව ඇති බව වාර්තා වනවා.
එමෙන්ම, මෙහිදී ධහ්රාන් (Dhahran) ප්‍රදේශයට ද මිසයිල කොටස් පතිත වී ඇති අතර, තත්ත්වය තවදුරටත් උණුසුම් අතට හැරෙමින් පවතී.
මේ අතර, යේමනයේ සනා (Sanaa) නගරයේ පිහිටි ප්‍රධාන තෙල් ගබඩාවක් ආසන්න ප්‍රදේශයේ දැඩි අවදානම් තත්ත්වයක් උද්ගත වී ඇති බැවින්, වහාම එම ප්‍රදේශවලින් ඉවත් වී ආරක්ෂිත ස්ථාන වෙත යන ලෙස හූති පාර්ශ්වය විසින් සිවිල් වැසියන්ට හදිසි අනතුරු ඇඟවීමක් ද සිදු කර තිබෙනවා.
Leave a Reply