යුගයක් එකලු කළ මෛත්‍රී මැතිදු දේශපාලන පොර පිටියට සමු දෙයි

මින් ඉදිරියට මෙරට කිසිඳු මැතිවරණයක් සඳහා තමා තරඟ නොකරන බව හිටපු ජනාධිපති මෛත්‍රීපාල සිරිසේන මහතා පවසනවා.

යුටියුබ් නාලිකාවක වැඩසටහනකට එක්වෙමින් ඔහු මේ බව ප්‍රකාශ කර තිබෙනවා.

ඒ අනුව තමා ඉදිරියේ දී පැවැත්වීමට නියමිත ජනාධිපතිවරණයට හෝ මහ මැතිවරණයට ඉදිරිපත් නොවන බවත් පුර්ණ කාලීනව ශ්‍රී ලංකා නිදහස් පක්ෂ වෙනුවෙන් වෙහෙසෙන බවත් ඒ මහතා මෙහිදී කියා සිටියා.

හිටපු ජනාධිපතිවරයා මෙම වැඩසටහනේ දී පෙන්වා දුන්නේ තමන් මැතිවරණයට ඉදිරිපත් නොවුණ ද තමාගේ පුත් දහම් සිරිසේන මහතා ඉදිරියේ දී සක්‍රීය දේශපාලනයට පිවිසෙන බවයි.

මේ අනුව ඔහු පොළොන්නරුව ආසනය නියෝජනය කරමින් දේශපාලන පිටියට පිවිසෙනු ඇති බවද ඔහු මෙහිදී වැඩිදුරටත් සඳහන් කළා.