මම සජබයට ගියේ නෑ – අර්ජුන රණතුංග

තමන් සමඟි ජන බලවේගයට එක්වූ බවට පළවන වාර්තාවල සත්‍යතාවක් නොමැති බවට හිටපු අමාත්‍ය අර්ජුන රණතුංග මහතා පවසනවා.

පසුගිය මැයි 1 වනදා තලවකැලේ ප්‍රදේශයේ සමඟි ජන බලවේගයේ නියෝජිතයින්ගේ සහභාගීත්වයෙන් සංවිධානය කර තිබූ මැයි දින රැලියට හිටපු අමාත්‍ය අර්ජුන රණතුංග මහතා එක්ව තිබුණා.

ඒ මහතා කියා සිටින්නේ පාර්ලිමේන්තු මන්ත්‍රී පලනි දිගම්බරම් මහතාගේ ආරාධනයකට අනුව තමා මෙම රැලියට සහභාගී වූ බවයි.

එය සමඟි ජන බලවේගයට එක්වීමක් නොවන බවද හිටපු අමාත්‍යවරයා වැඩිදුරටත් සඳහන් කළා.