මුහුදු දුම්රිය මාර්ගයේ දුම්රිය ප්‍රමාදයක්

මුහුදු බඩ දුම්රිය මාර්ගයේ නඩත්තුව කටයුත්තක් හේතුවෙන් කොළඹ කොටුව දුම්රිය ස්ථානයේ සිට වැල්ලවත්ත දුම්රිය ස්ථානය දක්වා වූ කොටසේ එක් දුම්රිය මාර්ගයක ගමනාගමනය සීමා කර තිබෙනවා.

දුම්රිය දෙපාර්තමේන්තුව සඳහන් කළේ අද (09), හෙට (10) සහ අනිද්දා (11) යන තෙදින තුළ මෙම සීමා කිරීම සිදුවන බවයි.

කොම්පඤ්ඤ වීදිය හා කොල්ලුපිටිය දුම්රිය ස්ථාන අතර පාලමක නඩත්තු කටයුත්තක් හා ජල සම්පාදන මණ්ඩලයේ නල එලීමේ කටයුතු හේතුවෙන් මෙම සීමා කිරීම සිදු කෙරෙනු ඇති.

මේ හේතුවෙන් මුහුදුබඩ මාර්ගයේ දුම්රිය ප්‍රමාදයක් සිදුවිය හැකි බවයි එම දෙපර්තමෙන්තුව වැඩිදුරටත් සඳහන් කළේ.